محمد البريمى

الحب ..
الحب ما يعرفش أعمار .. طول ما النبض ف القلب شغال ..

الحب ما يعرفش أعزار .. الحب إحساس و شعور بالحال ..

الحب له أسمى معانى .. من عهد قابيل و هابيل ..

الحب عالم تانى .. ياما إتقال فيه مواويل ..

غناله حليم و التلبانى .. و كارم و محمد قنديل ..

اللى يحب صعب يخون .. أو يفكر يوم ف الغدر ..

كل شئ ف الحب يهون .. إن كان عذاب أو مر ..

إذا حب القلب أكيد .. و ملك الحب حشاه ..

فرحته بحبيبه تزيد .. و دقاته تكتر يلقاه ..

و إن خالف مرة ف مواعيد .. على ضوء القمر يستناه

الحب سفينة ليها مرسى .. فى كل مكان ..

على بر العشاق بترسى .. بعيد ع النسيان ..

لولا الحب لقست قلوبنا .. و صارت كالأنعام ..

لولا الحب ما كنا .. نقتسم بيننا الأحلام ..

لولا الحب ما صرنا .. فى الحياة كرام ..

بقلم الشاعر .. محمد أحمد البريمى ..