شاعر العامية / زكى زهرانالإعجاب بالصفحة
عبده فقاقة
-----------------
عبده فقاقة جدد باقة
وجة يحكيلى عل الموضوع
قالى ياسيدى إمسك إيدى
انا مش شايف من اسبوع
قولت كفالة الشر ومالك
قول بقى اية كدا غير حالك
قال قبل ماتسأل انت سؤالك
شوف انا واقف فى الممنوع
عبده فقاقة جدد باقة
وجة يحكيلى عل الموضوع
قال التعبان الامريكى
ماشى بيرقص عل الجنبين
حاطت كل مصالحه فى كفة
وناسى مصالح البنى ادمين
يقرص دولة عشان مش تابعة
والدولة دى عايزة متابعة
وبكرة يقول فى مفاعل الضبعة
علشان مش تبعة ياحلوين
يخرب دولة بامر يهودى
ويبنى وجوده على ام وجودى
المسألة مش خارجة حدودى
دة فى بلادى وانتم عارفين
يفرض ع السعودية اتاوة
بلطجة هيه ولا غباوة
ماشى يعبى كدا فى عداوة
كل الامة شمال ويمين
وفاتحلك كدا هو ع الرابع
عايز يبنى البيت السابع
لو مش ضده هاتبقى التابع
زى قطر تر والحمدين
صدرلنا ارهاب اخوانى
بعده يجيك بعبس وايرانى
والاتراك مهموذ عثمانى
دولة عصابة الحاقدين
المسألة ويانا خلصانة
احنا والسعودية فى خانة
بكرة يقولو ع النطع دة كان
والدولة العبرية دى فين
وبكدا يسقط ورق التوت
عل الخنزير او عل الكتكوت
بس اللحظة الصعبة تفوت
ونكون كلنا بقى صاحين
واحنا معاكم ياسعودين
ما انتو المهد والينبوع
عبده فقاقة جدد باقة
وجه يحكيلى عل الموضوع
بقلم : زكى زهران
