نقرا فكتاب المطالعه
حبه نازله وحبه طالعه
ومفيش مجال نسأل سؤال
مين عمال واكلها والعه
نقرا فكتاب النصوص
الخير كتير وليه نلوص
منغير عتاب ييجى الجواب
معلش فينا حبة لصوص
نقرا فكتاب الحساب
مين اللى ساب المال دا ساب
هوا الخزينه محطوطه زينه
وللا السراب بالإنتساب
نقرا فكتاب التاريخ
إسأل ياعم فضيلة الشيخ
كان ياما كان سالف الزمان
يخرم ودانا من الصريخ
نقرا فكتاب العلوم
إمتى نصحى بقى م النوم
حمام فريك على كبريتيك
يطلعلك نص الناس محروم
منير خاطر
