عزة أحمدابوزيد ابوزيد ·
العشق جنيه........
شمس النهار
وايدين معافره في الحياه
وحر صابب ف الطريق
طالب أنا فيه النجاه
من يومي واد كسيب جدع
صياد ف بحر ملوش قرار
وعيون ف عز النور سواد
وسط السمك
وايدى مش لاقيه الشبك
مأنا ظل مهزوز خطوته
ماتت الحياه ..
دي لما ماتت نظرته
طلعته من بين الشبك
جنيه حلوة مزوقه
عزف الكمان من حسها
ونعومه ملمس شعرها
وعيون غزال
سوداها ليل
كحل بقلبه رمشها
همست وقالت
:" أنا دايبه دوب
رمي الشبك
قلبي اتشبك
لحظه يدوب
ضم هواك
خدني معاك "
مع إني نفسي أضمها
رديت في صوتي نهنهه
صياد كفيف
عايش عفيف
نفسي فِ يوم أمحي الظلام
حلمي بعيد
لكني نفسي أحققه
نفسي ألحقه
لقيتها بتطبطب عليه
وروحي رجعت لحظه ليا
فجأة صوت حواليا دار
أتاريني كان مغمى عليه
كان حلم ده ولا حقيقه
٧٨ تعليق١٢٣رضا عبد المطلب وAdel Saad و١٢١ من الأشخاص الآخرينأعجبني
