محمد البريمى

حياتى بتنتهى ..
حياتى بتنتهى يوم بعد يوم .. و أنا مش بأصعب عليك ..

إرحمنى من عذاب الروح .. ارحمنى أبوس إيديك..

بكره الندم يبان ف عنيك .. لما تبكى و الدموع تسيل ..

ما انا عارفك شقى و عنيد .. و بالك كمان طويل ..

مسيرك يوم تتألم .. و تجرب سهر الليل ..

خليك يا حبيبى فاكر .. ولا قوام نسيت ..

اللى بينا و عود .. مش كلام حواديت

و أحلام بنيناها .. و إحنا فى لحظة صفا ..

فى سكون الليل .. و عهد ع الوفا ..

كان بينا عشق و غرام .. و كلام ما يتنسى..

أبدآ مش هتحايل .. و أبوس خدود ..

مسيرك جى لوحدك .. و تقرب الحدود ..

و ترجع تانى ليا .. زى الطير لما يهاجر 
و يعود سعيد لعشه .. وقت الغروب و الشمس بتسافر ..

و تتطلب السماح .. منى و أنا غافر ..

بقلم الشاعر .. محمد البريمى ..