فيه طابور سد الطريق
والحراره أربعين
والناس واقفه ونشف الريق
بس صابرين ع المذله
روحت بسأل أيه الظروف
الحاج بيوزع زكاته
وحتة لحمه من خروف
قلت كان ليه الطابور
لازم الكل يشوف
المسكين محتاج مذله؟
الرحمه أعمل معروف
طل عليهم بس طله
روح وديله عند بيته
فى جو هادى م تحرجوش
أوعى تقول أنك نسيته
مش عارف أيه الظروف
أجرك يذيد لو دويته
ف الطابور واقف مكسوف
فيه اللى واقف وأديته
وهو مش محتاج
صحته حلوه وقويته
وما أديتش للمحتاج
الزكاه فرض عليك
بس تروحله بكرامه
م تحددش للناس يوم
والكل يقف ف الزحمه
واللى بيعلى صوته
لازم يتضرب بالجزمه
ثواب أيه اللى هتاخده
وأنت بتديله بمذله
( أسامه جديانه)أعج
عدد زيارات الموقع
58,392