- خد منى حبه كدا وادى
أنا أصلى فهمى على أدى
ليه لما نغش نقول معلش
أهى مره يافندى وهتعدى
- متبص عليا .. وتراعى
وللا انتا مخصص لخداعى
مكرك جوعنى ولسوعنى
سببلى ألم منغير داعى
- ليه ع المغشوش بنقول يافت
ونبيعه .. ف الضوء الخافت
بتبيعلى حكايا على عمايا
وانا عينى لا بصت ولا شافت
- علشان منا واثق ف أمانتك
بتبيعلى ندالتك وخيانتك
البايظ بتبيعو بالفايظ
بتهز كرامتك ومكانتك
- بياع كلام .. لأ مش تمام
واهى يللا بيعه والسلام
أكل الغلط .. مليان زلط
يكفينا شر .. طعام حرام
- غشاش والحلوه معاك مره
وخطر على صحتنا وضاره
بيبان ع الوش مين بيغش
نشترى ونقولو .. أهى مره
منير خاطر
