رباعيات صلاح منير
ع الأرض دبي ياحلوة بكعب عال ودبدبي
شد القوام وأرفعي رأسك في العال واتبسمي
اتجرئي ومدي الخطاوي لا تتلفتي ولا تنحني
شبي عن الأرض فوق, طيري ريشة في الهوى
************
الواد وسيم ومهندم والبنت قمرايا أكيد
على شط النيل صحبة والأيد في الأيد
بسمة حلوة مع لمعة عين والحلم بعيد
خضرة الأحلام كما طفل في المهد وليد
*************
يالي أنت قمر في السما وانا للهوى مخلوق
لعمل قلبي سفينة فضا وأطلع لك بيها لفوق
أمتع عنيا بجمالك الفتان وأطفي نار الشوق
دنا لك عاشق عشمان في رضى المعشوق
*************
طال البعاد عن عينيا ياروح الروح
وأنا ببعادك عامل زي طير مدبوح
لو كنت غلطت قول لي بس وبوح
دا سكاتك آلم والقلب بات مجروح
*************
واخدني يا قلبي ورايح على فين؟
أنا مش حمل وجع الفراق والبين
ده الجرح القديم ما طاب للحين
كفاياك وجع خليك يا قلبي رسين
بقلمي: صلاح منير
مصر