الوشوش هيا هيا
والنفوس أتغيرت
القلوب صابها السواد
والعيون أتسمرت
تبقى ماشى بقلب صافى
بالسلام بالعوافى
تلقى قلب الناس مجافى
م أحنا كنا فى يوم حبايب
راح فين بينا الوداد
طب منين جبت الأسيه
م الفرقه والبعاد
ما فى يوم تسأل عليه
وبكى ف القلب السهاد
كنا عمرنا قلب واحد
عمرنا م مشينا فُراد
الغربه سرقتك منى
وأتعودت ع البعاد
وأنت قاعد جنب منى
حاسس أن بينا بلاد
والمسافه سنين طويله
راح يتوه بينا الميعاد
مش هتقولى ف يوم سلام
حتى فى حالة الحداد
ليه م جبتش كل نفسك
ولا جبت حاجات جُداد
سيبت الود والحنيه
وجبت اللوعه والعناد
جايز لو جبت بقيت نفسك
يمكن اللى بينا ينعاد
( أسامه جديانه)