ياناس يامتبسمه
والجرح متخبى
الضحك عندك سمه
وبيت الجراح قلبى
تطلع لآخر سما
تدعى هناك ربى
يرفع كل الهموم
ولا الهم من ذنبى
أنا أصلى مش معصوم
ياما الزمن دار بى
حتى اللسان مكلوم
والعيبه بيخبى
والنفس فيها اللوم
أعمل حساب ربى
وقت الحساب معلوم
والكتاب م بيخبى
إذ كان صلا أو صوم
دا بيعلمه ربى
أسأل كتير نفسك
هتفضل كده على طول
فاكر أنك ماشى براحتك
م تكونش يوم مسؤول
الدنيا طولها وعرضها 
قاعد تصول وتجول
ولسان ماله رابط
فى أى حاجه تقول
فكر فى ضعفك
وجوه التابوت محمول
متر ف متر لوحدك
والكل عنك مشغول
بيقسموا ف مالك
والأرض والمحصول
وأنت الملايكه معاك
وكل الجوارح تقول
علي بدر منك
والقبر عليك مقفول
لا تقدر يومها تكذب
ولا تساوى القول
ياريت ترجع لربك
بالخير تكون موصول
أتق الله فى نفسك
ف اللفظ أو ف القول
( أسامه جديانه)