مسعد سليم

خلوا الوضوح بينكم
يشبه لضي الشمس
وأفتحوا قلوبكم
جايز طباعكم عكس
القصه مش دبدوب
وإزاي نداري عيوب
وف وهم حب ندوب
الفكره نبدأ صح
تسمعني واسمعلك
ويدور ما بينا حوار
فقلبي يخضعلك
وتبقى ليا مدار
والحب يحاوطنا
ونبني بيه بيتنا
ويبقى غنوتنا
وتوأم ما بينا الحس
وان ما قدرنا نفهم بعض
وحسينا بينا جبال
فأجمل قرار البعد
وننهي الطريق ف الحال
ليه نجني على روحنا
ونزيد ف جروحنا
ما هو عادي لو بوحنا
وما بدأنا رحلة بؤس
خلوا الوضوح بينكم
يشبه لضي الشمس

نبدأ صح 
✏مسعد سليم