مش باقي مني
غير شوية رتوش
من أرضك البني
وبلون الدهب منقوش
محفور عليها سني
حواليها شوية وشوش
خايف يسيئ ظني
متحملين فى نعوش
بيقولوا ياأرض حني
جسدي فى بطنك مفروش
والقبر صبح سجني
يادنيا بطون وكروش
شوية تراب تمني
يادنيا ماتسوي قروش
أنا كنت مستغني
حواليا خلق وحوش
ظلموني أكمني
دايما وشي بشوش
قالوا علي غني
والقرش مايلزموش
من بعيد شافوا سكني
بعين حسادة ولا سموش
والعين جابت أجلي
فى حسدهم مابيرحموش
لو دخلوا جوه مني
يلاقوا قلبي بالحنان مفروش
زعلوا أما شافوا حسني
قالوا ليه قصور وعروش
وحمدت أنا ربي
آخرتها شوية تراب
والرمل عليها مفروش
عليهم شوية حنه
والكفن مالجيوب مافيهوش
ومهما كان عندي
سيبتوا وماأخدتوش
والدنيا خدعتني
ووشوش مابيرحموش
رموني وبعدوا عني
لاجل مايملوا الكروش
(((أسامه جديانه)))
