مشوار..قصير جدًا

........

وكات نبضة..وقال راحت

ف مشوارهُ ما بين صبحهُ

وبين الليل

وصفني كأني زير ميّه

وكان هو عابر لسبيل

شرب مني

لحد النجوى ما ارتاحت

وبعد ما قاد ف ليل..شمعة

طفى القنديل

يا قلبي يا ويل

يا دمعي يا سيل

يا نهر طويل ملان احزان

يا بحر أنين

ومش لاقي ل برك ..شط

تشيل وتحط ف قلوعي

قصايد دمع

يا دمع وخط مكاتيبي

حبيبي وكان..

لقانا كأنه ورداية ف ديل فستان

وضحكاية..

ف كهف دموع

وهمسة شوق..نغم مواويل

فراقنا..ليل..طويل جدًا

يجينا الفجر ما يدّن..ولا بيميل

وصفني كأني زير ميّه

وكان هو...عابر ل سبيل !