حضنك امان
========
ضحكلي البحر ضحكاية
ونسي القلب اوجاعه
ندهلي بصوته فرحني
وخدني مني م الدنيا
قعدت احكيله عن حالي
ساعات مدرتش بالدنيا
طلعت بقلب كان صاحب
لقيته ابقى من الدنيا
وقولت ابعد عشان الناس
بتقلب حالها بين ثانيه
قالوا غدار ومبيرحمش
مالهوش امان
رميت بين حضنه اوجاعي
ماشوفتش الأ كل حنان
ما انا زيك بقلب كبير
ومتهمه في أرض نفاق
مشوفتش م البشر
فرحة تنسى وهمي كان منهم
انا قدمت زيك حب
سهام الغدر كات منهم
كفاية عليه تحضني
تعوضني تنسيني
ولو شايف دموع عيني
بتسمعني تواسيني
تطمن قلبي من جواه
ولا بتقسي ولا خداع
مراكب قلبي ليها شراع
وكانت غرقانة في سنيني
#إيمان رضوان #
