الشاعر / حاتم صلاح
يكتب
خلص الكلام
====
خلص الكلام مرسومه الحروف عجب
خلص الكلام والوجد لكلامك شجب
لا تستحقى قول ولا نظم الحروف
غرام كان ومشاعر القلب حجب
كل الكلام اجوف ضايعه نبراته
لا يداوى انين حلو عبراته
فاض كيل الحليم صارخه اهاته
حتى الصبا كره فيكى شهواته
خلص الكلام صوتك فحيح
يزيد ا لاسى يألم جريح
فى الوجد غرامك رفات صامت
مات النبض كمد عملته ضريح
لا ذكرى تعيد ولا تحييى حنين
ذكرياتك ايه غير ضنى وانين
بمحيها من احلامى كاره وامحى
معاها حتى من العمر سنين
خلص الكلام صدقى والام اعتصر
ما هتعرفى ترجعى لو بقصاص اثر
كان ما كان لكن ما بينا انكسر
وان اكون انا المهزوم والهوى خسر
ولا تسمعى منى كلامى سكات
انحبس بحلقى الصوت والحرف مات
وان طلعت الف شمس والعمر فات
اخر كلامى ليكى هو هو سكات
بقلمى / حاتم صلاح
