#رباعيات_العشق
(اهداء لها وحدها من عيناها عرفت الهوي ولعيناها الحب كله )
💛💚💙❤💛💙❤❤💛💙💙❤
احب جميع تفاصيلها
واحب اروح و اشكيلها
مع اني منيش زعلان
احب احكي لمنديلها
و انا بجد اموت فيها
و احب ابص لعينها
ولو املك انا الدنيا
احط الدنيا ف ايديها
انا المجنون ف هواها
و احب قعادي وياها
انا زاهد جميع الناس
و دي بس اللي اهواها
احب النظرة والبسمة
و هيه دنيتي الباسمة
منايا تبقي دي معايا
و نفسي تحكم القسمة
انا المجنون ونا العاقل
و لاجل عيونها اتساهل
لو تخصمني انا اتجنن
و تضحك ليا اتفاءل
ومهما الشوق يعذبني
و مهما البعد يتعبني
انا ف البعد مش عايش
ومن غيرها ال يعجبني
في حضرة حسنها الملكي
احس الكون بقي ملكي
انا المجنون ف هواها
ساعات بضحك علي ببكي
انا المجنون و ايه يعني
و هوه العقل نافعني
انا ابيع الجميع كله
و لا ابيعها و لا تبيعني
روحي وعينها عنواني
ونفسي عزولي ينساني
بحب اسأل انا عنها
ويعشق اسمها لساني
#الشاعر_ابراهيم_دعبس
