((( نخلة توت)))
**************
اوعى الرجوله تخونك
وارسم على جبين الزمن لون ابتسامه
ارسم ملامح هيئتك
واوعى تنسى أصل لونك
***
احرق الأرض اللى انتاجها عذاب
هيْـمِن على جرحك
وامسح أثار الحزن فى جفونك
***
اوعى كلمة النداهه تانى تخدعك
اوعى كُـتر المال يغُرّك
اوعى تفتكر ان حد هينفعك
اوعى تركب ريح جريح
اوعى قهرة الليالى تستوطن مخدعك
***
شِيل على اكتافك أطنان الأمل
وازرعها فى الأرض البراح
وانسى العذاب
والهموم ** والألم
انسى الجراح
لو ألف ألف ألف طن
من الحنان
مستحيل يِـجي اللى راح
***
ادبح همومك ...
وادفنها تحت رجلين الكلاب
اكتب على قبرك باب السعاده
واوعى تنسى ان طاعة الحبيب
مُـخ العباده
***
شاعر القريه
فيصل بدر
