كلثوميات
لما قلمي حب يكتب / نبتدي منين الحكايه
تاه ف وصفك ليه ياسوما واحنا لسه في البدايه
الحنين ويايا ضافلك
الوقار والرقه أيه
حس قلبي انخطفلك
لما جت سيرتك معايا
لما جيت اوصف ادائك
فاق جمال عدي الحدود
الجمال اصله في غنائك
والكلام نسمه وروود
اصل جارتي ومن بلدها
ولبلدنا عاش الجدود
قلبي ليكي ياسوما دافي
والحنين عايش معايا
واللي بينا حب صافي
حب يتسطر حكايه
لو عليا مش هجافي
اصل حبك ليا غيه
اعيش زمانك في الخيال
وقلمي ليكي يبقي دافي
حنجره بتقول جواهر
الرموش مالكه لحسانها
حبل صوتها عظيم وظاهر
وف خيالي اعيش زمانها
طب قولولي اروح لمين/
بس غيرها
ولا عطر معاه عبير وبيتغازلها
ولا خيام عاش رباعيات عشانها
لما ابويا يحكي مره
عن مواقف صعبه مره
وعن جمال احلي الصبايا
اقول لنفسي ف الخيال
نفسي اقابلك حتي مره
وتبقي جت ليا البدايه
عاش ابويا في الحقيقة
من زماااااان
لما يحكي عن جمال احلي الصبايا
عن مساعده جيش بلادي
وعن حكاوي للجدود
وعن غناوي لجندي واقف
شال سلاحه ع الحدود
لما نحكي عن نضال
سمعو لحنك عن جمال
عاش تاريخك والله باقي
طول مافيه شمس وهلال
قوتك ويا شموخك
شوفت فيه اجمل نضال
وقفتك مع جيش بلادك
يتساوي بعزم الرجال
****
جابر الأسد
