أغنيه بعنوان ..

( أنا مسافر )

أشوف و شك على خير .. أنا مسافر   يمكن أغيب سنه و إتنين ..

م تشعليش بالك بيا .. أنا عارف رايح على فين ..

بس أمانه عليكى .. تفتكرينى  بالسلامات ..

و م تنسيش ف مره .. تبعتى الجوابات ..

            أشوف وشك  بخير ..

دعواتك يا ام العيال .. أنا رايح  بلاد الأفيال ..

هتعب و أشقى عشانكم .. لأجل م أجيب المال ..

بس أمانه عليكى .. تفتكرينى بالسلامات ..

و م تنسيش ف مره .. تبعتى الجوابات ..

           أشوف وشك  بخير ..

الغربه عليا صعبه .. و السفر كمان  طويل ..

لكن مش بإيديا .. الصعب و المستحيل ..

بس أمانه عليكى .. تفتكرينى بالسلامات ..

و م تنسيش ف مره .. تبعتى الجوابات ..

           أشوف وشك بخير ..

أنا صابح مسافر .. و فايت عندكم روحى ..

أمانه عليكى  يا شمس .. م تغيبى   و تروحى ..

بس أمانه عليكى .. تفتكرينى بالسلامات ..

و م تنسيش ف مره .. تبعتى الجوابات ..

           أشوف وشك بخير ..

مش هغيب عليكوا كتير .. و إن غبت مش ناسيكم ..

إنتوا ف بالى على طول .. و البركه فيكم ..

بس أمانه عليكى .. تفتكرينى بالسلامات ..

و م تنسيش ف مره .. تبتعتى الجوابات ..

           أشوف وشك بخير ..

أصعب شئ ف الغربه .. غياب الأحباب  ..

بيوحشونى لما .. بيطول الغياب ..

بس أمانه عليكى .. تفتكرينى بالسلامات ..

و م تنسيش ف مره .. تبعتى الجوابات ..

             أشوف و شك بخير ..

بقلم الشاعر ..

محمد البريمى ..