#بالسلامة

أبنوا ليا ياهو مقامة 
قولوا شاعر له كرامة 
حتي بين ميت كرامة 
وكان بيلضم الحروف

أبنوا قبري ف الحواري 
وجنب منه(وقف جاري )
و ياكلوا منه الجواري 
و الغلابة و الضيوف

قولوا شاعر حرف عامي 
و سير بنعشي يابن عمي 
وحدة وحدة وابقي سمي 
و ع الاحبة بيا طوف

طب هدومي مين ياخدها 
خلق عودي نفس عودها 
ومعاركي مين يخوضها 
ومين يسن ف السيوف

طب حروفي ايه مصيرها 
ولا ضايعة زي غيرها 
وموتي برضو جاب اخرها 
والقلم فات الكفوف

يا حبايبي ميت سلامة 
بكرة نوحش بعض ياما 
نلتقي ف يوم القيامة 
كلنا واقفين صفوف 
#الشاعر_ابراهيم_دعبس