الليل
شايل أحلامى على جناحه
وصوت الفؤاد مجروح
والعمر زادت جراحه
نور الأمل بيموت
والضحكه فى نواحه
***
هربتْ ليالى الأمل
والفرحه خجلانه
والنور
اللى كان على وشك الظهور
طلع كداب
والحزن اللى كان محبوس
بره الفؤاد
اتفتح له ألف باب
***
يا اللى ماسك ضحكة القلب الجريح
فك الهموم
وانشرها فوق الريح
أنا صوتى مغزول
زيى خيط العنكبوت
فيه الهموم بتزيد
والفرح بيموت
***
يا ضفيرة الهمّ الجريئه
اتمخطرى فى الريح
وارسمى صوت الأمل
فى جبين اليتيم
يا صرخة العذاب
يااللى ساكنه فى دموع الفؤاد
هدّى بيت الصمت
وابنى ألف بيت وئام
***
كفايه نزفك يا عين
فى الغربه دمعك رخيص
من غير تمن
من غير ما نور النهار
يرقص على وتر الفؤاد
من غير شجن
من غير ما صوت الحزن يعلا
بتموت ليالى الفرح
وبيتولد جبل الألم
***
يا بيوت الصبر
افتحى ابوابك
جبل الهموم هدّنى
وانا جوه محرابك
امته الفؤاد يرتاح
ويهد مخلابك
****
يا بيوت الصبر افتحى
انا كنت سُـكّـانك
وأعز أصحابك
شربتْ كاس المرار
وزلّـنى عتابك
هرب الفؤاد م الجسم
واحتلّـنى همّـك
يا بيوت شبابيكك جحيم
والسقف دا عذابك
يا بيوت انا فرحتى صايمه
وغنوتى عباده
وخطوتى ع الأرض
ألحان للبشر
وغربتى عاده
من قبل خلق الكون
بملايين السنين
من قبل ما ينبت شجر
كان لسه جوايه الفؤاد جنين
وكنت بزرع لليتيم
ألف ابتسامه جوه العين
***ادخل يا قلبى باب الصبر
انا غربتى طالت
افتح شبابيكك
يا بيت الصبر
يا تضُمّنِى **
وتهزّنِى **
وتهدّنِى
يا تِـبْـنِـيِلِى فى رحابك
ألف قبر
***
شاعر القريه
فيصل بدر
أع
