خلاص زعلت
خلاص زعلت من حاجة تفهه وانا اللى
فاكر أن العقل فيك كبير وله مرسى
طب كنت قول انك مش عايز حكاوى
وأنك رافض حتى كلامى طب ليه زعلت
ماتعدناش حدود الأدب والاحترام دى فضفضة
بدل مايجلنا انهيار ومن الكبت يجلنا انفجار
كنت فاكرك قد حمل جبال ونار وبدون اعذار
حذفت انا مش زعلان لكن مستغرب من القرار
شفت ايه منى يهينك عشان فى لحظة تحذف صديقك
د انا كنت ليك ناصح امين من التعالب والتعابين
وكلهم حواليك كتير ولا حد فهمك انى واحد من المجانين
ولا انتا فسرت كلامى على أنه غرام دة حتى يبقى
الحب حرام اذا كنت حر من القيود كان جايز يكون
لكن ايديك فى ايد صديق ماينفع حتى انى اغدر واخون
ازاى عقلك فسر تصرف غريب منك مش مفهوم طب قولى ليه اخدت
القرار انتا وراحتك وكل شيئ الا الكرامة يهون
والحر دايما مايرمى نفسه وسط الظنون
على شيئ مجهول فى عقل صغير مش معروف
وياريتك كنت تتكلم أو حتى تسأل بدل ماتثور
وكنت هكون معاك صريح مهما كان من الأمور
فى عقلك توضح وتختفى الظنون عموما براحتك
مابجبرش حد على قربى دة الوفاء فى الاصدقاء
مالهوش حدود للى يفهم معنى الصداقة والوفاء
دة اكيد عقله موزون شكرا ليك وخلاص فوت
بقلم: محمد خضر حسن رزق
