مش عشانى
======
فى حياتى الجديده ملكيش مكان
هعيش لوحدى فيها انسى الهوان
وامحى ايامى فى حياتك
اشرب نسيان ذكرياتك
لو تمرى لحظه بفكرى
او تمرى جوه حلمى
هبطل احلم عشانك
واعيش بره حدود زمانك
اديتك مبقاش شيئ عشانى
خبيت عنك شجى احزانى
كل حاجه حلمتى بيها
دنيا ليكى كانت وخدانى
فى المشاعر ليه بخيله
الحروف منك قليله
قساك كان بعد ليه
لما ضاعت كل حيله
حتى رضيتى هوانى
خلصت كل المعانى
مستحيل اعود اليكى
لو حتى حضنك اوطانى
انسى زى ما انا ناسى
اتعلمت منك ابقى قاسى
حبك كان يوم عنوانى
وفى حبك بعلن افلاسى
بقلمى / حاتم صلاح
