٦ ساعات
قصيدة بعنوان........ بلادى
لسه بأبنى حلمى جنبك
زى كل العاشقين
وأن شغلنى البعد عنك
كل يوم بأزداد حنين
مهما شعرى يبقى شايب
لسه من جوايا دايب
لسه بأحلم يوم رجوعى
والأمل ساكن ضلوعى
أنى أشوفك من سنين
ما أنتى فرحى ونور عينيا
وأنتى أغلى حاجه ليا
وأنتى لما الحمل يتقل
بألقى جوه الحضن لين
أغلى شئ ف الكون بلادى
كل ما أتغرب ليلاتى
وسط جرح الليل بأنادى
ع الأصاله المخلصين
وأفتكر أيام جميلة
ويا صحبه وأحلى وعيله
وسط ناسنا الطيبين
الفرح مقسوم مابينا
والغريب عايش فى جنه
مصر حضن كبير بيجمع
ليها كل الوافدين
كلمات الشاعر محمد ثروت عبد الحفيظ
