(جواب فاضى)
بعتلي جواب وكان فاضى
وكان قلبى سعيد راضى
وحالف ان لون سطره
يعيد الذكرى والماضى
سألته يا قلبى ليه فرحان
جواب فاضى كأنه ماكان
يرد القلب على ردى
فاكرنى وساكن الوجدان
ومعني انه بيبعتلي
انا في قلبه في كل زمان
إشارة حب والبسمة
وتتحول تكون قسمة
واحس الحب وف خطه
شارات الحب بيخطوا
نطقهالي بدون ألوان
مشاعر رافضة تتلون
وتتحول فتتجمل
يبان العشق فى بياضه
وشمع الروح بينقادوا
ورعشة إيد ملازماني
أشم نسيمه فى جوابه
اراجع خطه من تاني
يقول لبى ولا نساني
بعتلي جواب وكان فاضي
......
جابر الأسد
