الأسمرانيمتابعة

صمت الكلام
اصبح شعار 
والجنة نار 
شدي الستار
المسرحية بتنتهي
بجرح ومرار 
والحب
اصبح مستعار
والغش فاق 
شمس النهار 
والروح حقيقي
بتحتضر

والحلم وهم
بدون جدار 
 والشوق 
منابعه الانكسار 
حبك 
حقيقة او هزار
اتكلمي بدون اعتذار
انا هسمعك وامشي
ف سكات واتحرري
وفكي الحصار
انا حد ميت م البشر

ضمي السكوت
بالانتصار والإختيار
عندك اكيد 
انا مش 
مهمش او حمار
او طفل تايه
في الزحام او تحفة 
موجودة ف مزار
انا حد عاشق الانهيار
وسايبها ديما للقدر

عايش مراكبي 
بدون فنار
تايه في بحر 
بدون مسار 
وشعاري ديما الانتظار
يعني بصراحة انا ابن بار
للهم والموت في البحار
والبوصلة تاهت ع الديار 
والموت قريب راح ينتصر

واحد
مهمش م الصغار
مش لعبة 
تدوسيها بزرار
او ابن كار 
اوحد من اهل السيجار
افضل اموت بالانتحار
وخلاص ملوش
لازمة الحوار
انا م البشر
مش م البقر

صمت الكلام
اصبح شعار 
والجنة نار 
شدي الستار 
المسرحية بتنتهي
بجرح ومرار
والحب
اصبح مستعار
والغش فاق 
شمس النهار
والروح حقيقي 
 بتحتضر

صبري شومان