إن كنتى لسه بتحلمي
دا الشمس كاسيها الضباب
عايزك حبيبتي تسلمي
حلم القلوب أصبح سراب
سلمي لحكم القدر
دا القلب للموت إحتضر
هو إللي راح ممكن يعود
من بعد ماطال الغياب
ولسه جايه بتسألي
وعايزه تاني تكملي
إسألي حكم القدر
قلبى خلاص مالوش جواب
دقة خلاص ساعة الرحيل
ودعت كل شىء جميل
قلبي إللي كان قادر يسامحك
مبقاش خلاص حمل العتاب
مشيت خلاص كل الدروب
والشمس مأواها الغروب
وإزاى فى يوم نرجع ندوب
وقلوبنا ساكنها العذاب
منقولش مين فينا إللي باع
مغرقنا ف بحور الضياع
هى القلوب تقدر فى يوم
بعد السنين ترجع شباب
====================
الشاعر عيسى عبدالرؤوف
