وصفى ضمن البشر إنسان
همى الوحيد
فى الدنيا أعيش
فى أمان
الدنيا بالنسبه ليا
مجرد عنوان
مهموم حزين ساعات
فرحان سعيد أوقات
عابر سبيل
جيت بمعاد
وماشى منها بمعاد وبين الأثنين أهات وازمات
بحاول أسيب ورايا ذكرى يفتكرنى بها اللى عايز يفتكر
دورت طول العمر
على مضمون السر
هو احنا جينا فيها تريحنا ولا جينا فيها عشان تدوخنا
يا دنيا يا حنضل كفاية قهر ده العمر قصير بسرعة بيمر أد كده بحرك غريق
نجيبك يمين
نجيبك شمال
مافيش مفر
يا عنوان الميلاد
ويوم المعياد
يا جمعانى فيكى
أنا والعباد
وصفى بين البشر إنسان عابر سبيل صابر تعبان عاش نصف عمره يجهلك والنصف التانى حيران
