٢٥ يونيو، الساعة ٥:٥٢ ص
#صفقة_القرن ( اوعي. تمضي )
مين هياكل التاتورة
ومين هيدفع الفاتورة
ولا اصلا مين متابع
مشغولين بمتش كورة
قالوا ارضك زي عرضك
يال طولك زي عرضك
انا عارفك مش طايقني
وراح تقوللي انت برضك
يعني بايع ولا شاري
ولا ظرف و اضطراري
النهاردة لو تسلم
بكرة تصرخ يا مراري
لا تفرط في حقوقك
او ترخص سعر سوقك
لو تطاطي او تهادن
يطلعوا يا حلو فوقك
اوعي تاكل من طبيخهم
و انت حافظ لتاريخهم
مهما رقصوا ولا غنوا
ابقي فرقع نفافيخهم
اوعي تركن لعهودهم
ولا تاكل من وعودهم
مهما قالوا مهما. عملوا
اوعي تمضي لعقودهم
اوعي تضعف او تخاف
ولا تحسب دول لطاف
اللي يخضع ل عدوه
يحيا عمره سنين عجاف
قوي نفسك باللي منك
هتلاقيهم سدوا عنك
النهاردة الحرب قامت
قوملها و عارفها انك
تاني قرب م الشقايق
خلي جو الاسرة رايق
اوعي تخدع و لا تكدب
بكرة كاشف للحقايق
بكرة كاشف للحقايق
#الشاعر_ابراهيم_دعبس
#صفقة_القرن
