(( آااااااااه ))))

***********

آخر حروف الدم

جرح الفؤاد مرتين

والعمر بصرخ

تحت رجلين العذاب

والعين ملاها دمع الفراق

والقلب فاض بالهم

****

وعدى النهار

شايل فى جوفه ضحكتين

والليل بيرقص

على خيوط الشمس الميته

لسه ابتسامه واقفه

تحت عجلات المرار

****

مات النهار

والطفل بينام تحت رجلين الهموم

واليأس شاور ع الفؤاد

وهو لسه بيحتضر

والضحكه بتمضمضها أنهار العذاب

النور والأمل

والفرحه اللى كانت لسه هتتولد

طلعوا سراب

************

شاعر القريه

فيصل بدر