ياللي احنا متواعدين
أن أنت أخويا ودنيتي
فوتنى لوحدي لمين
لما انت بعافية قولي
كنت أملي بيك العين
لكن لما تقع يقولولي
أخوك مغمض العينين
شوفتك أنا بعيوني
القلب بكي أنين
شعرت أنك فايتني
والروح لرب العالمين
أحتارت فى العين دمعتي
وانتابني فكر لعين
صبحت وحيد فى سكتي
كنا يدوب أخين
والوحدة قدري وقسمتي
هقول يااخويا لمين
ليه ياملك الموت زورتني
واخدت معاك أخين
محمد وكان أكبر مني
ودا رحل من سنين
ولما اليوم زورتني
محمود كان عليه العين
وسابوني أسكن وحدتي
هقول يااخويا لمين
رحمك الله ياأخي
وجميع موتي المسلمين
(((أسامة جديانه)))
