حبيتها ..
حبيتها أوه أنا حبيتها .. مالك إنت و مالى يا عزول ..

غيران منى ولا منها .. دا شئ مش معقول ..

كلامك لا هيغير ولا هيقصر .. ف الليل لما يطول ..

أنا حبى لأميره .. نافذ بالشمول ..

حبيتها أوه أنا حبيتها

دى حبيبتى و نور العين .. مهما تقول عجبانى ..

تقول حمامه طايره .. بتروق الأنانى ..

على كل برج بترسى .. و تهجر البنانى ..

أنا واثق فيها و متأكد .. هتلف و ترجعلى تانى ..

حبيتها أوه أنا حبيتها

أنا حبيبها و هيا حبيبتى .. هيا الروح ونا العين ..

قلبنا واحد و النبض واحد .. ف القلبين ..

مش هتيجى إنت .. و تفرق بين حبيبين ..

إبعد يا شيطان عنا .. و شوفلك ناس تانيين ..

حبيتها أوه أنا حبيتها

عمرى م هغير ف مشاعرى .. و هتفضل ملكه إحساسى ..

دى الورده اللى بعشقها .. و بتعطر أنفاسى ..

حبها م أنساهوش .. تاج فوق راسى ..

هيا البحر و هيا الشط .. و هيا المراسى ..

حبيتها أوه أنا حبيبتها

بقلم الشاعر ..
محمد البريمى ..
عضو رابطة المبدعين ..