((( آااااه يا اولاد الكلاب )))
*******************
عوّدتونى ع الهموم والكآبه
نهبتوا سنوات الشباب
رمتونى شاه
بعد ما أكل لحمها أوسخ ديابه
***
وألف آاااااااااه يا اولاد الكلاب
نزفت دموعى دم
والشيب صبغ راسى
واحتضر فيّـا الشباب
معدش ينفع الرجوع
ولا عاد فيه أمل فى بكره
ولا حتى هيفيد العتاب
ولا فيه مكاسب م الحساب
***
وألف ألف آاه يا اولاد الكلاب
سرقتوا من عمرى السنين
وحبستوا دمعى جوه العين
وصبغتوا عمرى بلون حزين
ومسحتوا اسمى م الكتاب
***
آاه يا اولاد الكلاب
لمّـا صورتى تبقى ذكرى ع الجدار
لمّـا تشربوا كاس المرار
ساعتها بس هتعرفوا
ان عشت عمرى محبوس
وسط نار
*************
شاعر القريه
فيصل بدر
أعجبني
