صاحبة الصون والعفاف
اللى من ربنا بتخاف
لما تيجى تكلم جوزها
لسانها بطلع سم زعاف
وأما يحصل نقاش م بينهم
الكلام كله إسفاف
الكلام كله إسفاف
وأما ييجى يرد عليها
يتقلب البيت أطياف
كل واحد واخد ناحيه
بتغطيه هو بفوطه وتاخد هيا اللحاف
بتوريله العين الحمرا
ها تقطع كل الأطراف
عايش مهدد ف حياته
مصره تخليه خواف
وان حاول يحافظ على بيته
كل ريشه ولها نتاف
لو العيشه بالشكل دا
مفروض نجيب الإسعاف
جايلها قرار م الإداره
أوعوا تعيشوا ف إصطفاف
نكدى عليه دايما
خليه دايما ماشى كده شواف
أشغليه دايما لإنه
لو يرتاح تلاقيه لفاف
عمرها م وصيتها عليه
حتى لو راحوا للعراف
ايمتا هتعيشوا حياتكم
وتخلفوا أولاد لطاف
كتر النفقات والمحاكم
كل ست شغاله سياف
لو هتنطق راح أسيبك
مش هتلاقى العيش الحاف
والمحامى يطلع عينك
يعملك عبره لمن شاف
كُل عيش وأنت ساكت
خليك منى كده خواف
( أسامه جديانه)