بهاء اللبودىالإعجاب بالصفحةأمس الساعة ٣:٣١ م
(٢)
الشقلباظية شيريهان حبها راسخ وبيني وبينكم شيرهان من نفس عمر البعيد على عينه "الاسود البلدى" وكانوا هما الاتنين اول حظوظ بعض في الدنيا
ولكن بعد تجربتين حمل كاذب 😑.. أقصد بيض بدون تلقيح 😁 إضطريت افصلهم عن بعض واغير عتب الدار وراح البعيد على عينه واللي عليه النية اتجوز الكرزليّة "القمر"
حاجه فلاحي كدا من بتوع زمان 💆💆
نادرا لما تلاقيها بنفس الموصفات والامكانيات سواء في الطيران أو التحضين وبصراحه انا معرفش اصلها وفصلها بالظبط لأنها جات لي لائجة مريضة متعبة مهيضة الجناح من احد العشش القريبة المجاورة وحطت على عشتي والحقيقة فشلت في العثور على صاحبها علشان اردهاله فقلت احطها مع الحمام العازب واللاجئين وخلافه و لحد ما يبان لها عشة ولا صاحب .. ساعتها يدوب انا كنت فاصل الاسود البلدى عن الشقلباظية شيريهان سالفة الذكر وكان سوقه واقف بينش وحالته كرب
فكانت بالفعل الكرزلية طوقه للنجاه من العزوبية وبعد علاجها وتمام الشفاء أصبحت من نصيب وحظ البعيد على عينه والمطلق سابقا الاسود البلدى .. وحاليا بذات اللحظة راقده على بيضه وفي انتظار الفقس والمواليد الجدد..ادعولها ربنا ينتعها بالسلامة 😁
نرجع لشيريهان .. شيرهان مرهفة الحس رشيقة القوام وهي اولا بالوصف طولا وعرضا تشبه منه شلبي او يمكن منى ذكي ولكن ملامح وشها تشبه من شيريهان بس ملامحها أدق واجمل للأمانة .. ولأن الاسود البلدى بالنسبة لها هو اول حب وارتباط بالحياة فصعب جدا عليها تنساه هي حاولت كتير وفشلت
بل أمست وكأنك رابطها فيه بحبال منين ما يروح وراه وغلبنا نفهمها يا بنت الحلال دا نصيب وهو دلوقتي دكر متجوز وراقد على بيض "ميصحش كدا"😁😁
لكن لا زالت هي تعاني ويلات الخزلان وموجات الإهانة دون تحقيق ما تتمنى ولا زالت تدفع ثمن غدر الزمن ..
الاسترالية السوفيفة اللي بتزك دي .. مش عايز اقول عليها العرجا عشان منوقفش سوقها برضوونبخس عدلها لربما فيوم ربنا يكرمها من وسع بدكر صوافه مثلا أو نفاخ وتتعايق بيه قدامنا 😊😁 (النفاخ والصوافة انواع حمام نادرة و باهظة السعر)..
الاسترالية جسمها جميل وملامحها سكر وعينيها واسعة ..
ومضطر آسفا انهاء الحلقة )٢( لحد هنا ونكمل حديثنا وصفا وتفصيلا ان شاء الله عن الاسود البلدي وحكاياته مع الحمامات الشقلباظية شيريهان والاسترالية السمرا والكرزلية القمر .. سلام 🙋✋
#بهاء_اللبودى
#حكواتي_الغية
لينك الحلقة الأولى 👇
https://www.facebook.com/480333462067434/posts/1894885103945589/?app=fbl
