الطير المسافر ..
بعتلك مع الطير المسافر .. أكتر من جواب ..

لا رديتى ع السلام .. و لا رديتى ع العتاب ..

لما كرهت نفسى .. و إتمنيت العذاب ..

بعد ما شفت الحلم .. قدام عينى سراب ..

بعتلك مع الطير المسافر ..

كل جواب فيهم .. كنت بأحكيلك ع اللى جرالى ..

لا صعب عليكى دمعى .. ولا صعب عليكى حالى ..

و إنت ناسيه كل حاجه .. ونا بأعد الليالى ..

اللى أشوفك فيها تانى .. و إنتى ساكنه البرج العالى ..

بعتلك مع الطير المسافر ..

الله يسامحك ألف مره .. يلى طيرتى النوم من عينى ..

بدلتى الأمل بالوجع .. و الفرحه دموع بتكوينى ..

بعد م كان طيفك .. بيصبحنى و يمسينى ..

لا طيف ولا خيال .. ولا شوق بينادينى ..

بعتلك مع الطير المسافر ..

بقلم الشاعر ..
محمد البريمى ..