((( توب الحِدَاد )))
***************
يا ابو قلب قاسى ورمش جارح
تكدب عليه وانا اللى اصـــــارح
تلعـبى ديما وانا اللى اسامــــــح
ويطـُول خصامك وانا اللى اصالح
****
وبا اخاف عــليك من البعاد
لكن انت لابس توب الحداد
***
قـمر فى ليلى وشمس النهار
قـُربك عذاب والبعـد نـــــار
***
والدنيا وياك طـعــم تانـــــى
با اغـِير وغـِيرتى معذبانى
***
وانا اللى بينى وبينك عتاب
اسقيك حنانى وتقول عذاب
معـقول يا ربى يبقى سراب
دا العمر بجرى من غيرحساب
***
با اهواك بقلبى ومش بإيدى
وانت فى حياتى قلبى ووريدى
***
وبا اخاف عليك من البــعاد
لكن انت لابس توب الحـداد
***
شاعر القريه
فيصل بدر
