شاعر غنائى وروائى

لف المدن ياخال

ودور على بختي

وعبي الهموم ف شوال

وإرميها من يختي

موج البحر غضبان

والموجه ورا الموجه

والدنيا مالها أمان

وأيامها بقة عوجه

زرعت الصبر فى حيضان

ورويته من دمي

طرح الصبر أحزان

وزاد معاه همي

راضى بنصيبى وقسمتي

والعمر إتسرق مني

ماملكشي فيكى يادنيتي

غير قلمي مع فني

كتب القلم سطرين

وفى التالت إتكسر سنه

والدمع مالي العين

وياما كتب عنه

وصفولي أهل الهوا

وصفه كده بلدي

إن كان فى سمك دوا

إشرب بقى وعدي

الدنيا فانية ياخال

مشوار واخره الموت

الحظ لويوم مال

إديها ميت شلوت

==============

الشاعر عيسى عبدالرؤوف