تمت مشاركة ‏منشور‏ من قبل ‏ايمي الشرقاوي‏.

١١ ساعة · tagإضافة موضوعاتايمي الشرقاوي١١ ساعةعة

قولو لحبيبى مايمشى.....خايفة عليه من قفلة رمشى...
خايفة افتح مالقهوش.......مايرجعش ليا....ماشفهوش...
ماحسش بيا..ماسلمش عليا..شافته عينيا بس مالمستهوش

قابله كان واحشنى أصله قبلا كان واعدنى مهما
يجرا..... هنتقابل اجازته الجايه.... ويخرجنى فى دنيا تانية
سلم عليا وإتحضنت الوشوش بص لعيونى بصتله مكسفتهوش
كان حاسس إنهم ماهيتقابلوش.. قال عند وعدى بس لو...وسكت
بصيت فعيونه ..دعيت المولى يصونه ..بس قلبى حس وبردو سكت
كان حاضن أيده فى ايدى بيوعدنى وقت مايجى ...بعيده وعيدى...
بقوله مالك الدموع ليه ماليه عينيك... قال خارج ألقى علشانكم واعيدى...
بكيت واتخضيت من كﻻمه جيت امشى مسك أيدى قالى ماتزعليش ...
استنى معايا ..استنى لسة باقى فقلبى ليكى شوق ومحبة..استنى ماتسبينيش
مالك ياعمرى عمرى فداكى بوعدك احميكى.. افتكرى بس وصيتى ماتنسينيش ...
وأبقى اسألى على أمى وان سألتك مالى ماتحكيش ...وكفاية روحى متوجعنيش...
اتفارقنا ماسكين اﻻيدين..مش راضين يسيبو بعضهم والدمع فالعين.... 
مش فارق كترهم حاسس إنه رايح مع الريحين ..اللى سبقوه..ومش راجعين
بقوله راجعلى... بصلى وقالى مش باين ...وطنى ياقلبى عليا مش هاين...
عمرى كله دا..فداها مصر بلدى وﻻزم ارعاها... دا احنا خيرنا منها من يومنا...
وخيرها سارى جوانا... وإحنا خير اجناد اﻻرض حارسين للعرض...
هيسالنا المولى يوم العرض..ازاى عرفنا نرعاها. ....
والباقى الكل عرفينه .. واجبه ونصيبه واخدينه .. وراح حبيبى شهيد ياناس..
واتحقق الاحساس ..فبيوت ناس العيد اساس...وبيوت تانية...دم وحزن مشروب ف كاس ... قادر يارب تصبرنا وتنصرنا... ويرجع الحق وتتعدل موازينه....