صوت الشهيد

انا شمسك وانا فجرك 
انا ابنك وانا أملك 
أنا ليكى كما ضلك 
فدا نبضك 
يا مصر الخير 
يا قلب كبير 
يساع الكل وزيادة 
يا نور العين 
قداكى الروح 
يا ساكنه الروح 
فداك النبض يا بلادى 
فدا بسمة لأولادك 
فدى ترابك وامجادك 
شهيد دمى يصون عرضك 
يروى الزرع فى ارضك 
انا ليكى أمل وحياة 
تعيشى رافعه الجبهة والهامة
محروسه بعين المولى سبحانه 
ما تحنى جباه لطغاه 
سجودك فى الصلاة لله 
انا درعك انا ابنك 
انا روحى فدا لنصرك 
على كل الطغاة 
يموت كل اللى باع ارضك 
وخان عهدك 
وهدد بالجحود أمنك 
يعيش كل اللى يرعاك 
ويحمى بدمه أمجادك 
فدى ترابك 
ويحرس ارضك الغالية 
يعيش الجندى والفارس
يعيش الحامى والحارس 
يعيش ابنك شهيد 
على زر الزناد دايس 
يعيش كل اللى مات 
يحميكى يا بلادى

ايمن ابوالدنيا