جيت ياعيد أهلا وسهلا
فيه ناس كتير فى أنتظارك
نفسهم يعيشوا يوم سعيد
وناس كتير مش حسه بيك
وحياتهم كلها تعقيد
كانو بيتمنوا يئانسوك
بس الفكر أصبح عنيد
لو روحت لهم يبعدوك
قلبهم للفرح بعيد
روح ياعيد للي يحبوك
وافرح والبس لبس جديد
برائة الأطفال باينه فى عنيك
وبلاش تخلف المواعيد
تلاعبهم ويلاعبوك
خلي دايما الأيد× الأيد
بضحكتهم هيفرحوك
أجمل فرحه وأحلىَ عيد
واللي مش محتاج وجودك
شاور له لو من بعيد
جايز يكون محتاج لنورك
حاسس جوه نفسه طريد
محتاج لو يوم يزورك
لكن الهم عنده شديد
محتاج لحظة حضورك
أيوه أنت وبالتحديد
لا زم برده تقوم بدورك
وامنحه الفرح وذيد
(((أسامه جديانه)))١١