قصيدة بعنوان........ بدوى أفندى

الخواجه بدوى أفندى
حاجة فوق وصف الخيال
مصرى أيوه مش بولندى
وأتشهر وسط المجال
عاش حياته ف وسط جوده
زى م الكتاب ما قال
فى المعامل بصمه باقيه
ع المصانع لف جال
حد فاهم مش أونطه
والكسل وياه محال
عمره ما أستهون وعدى
عمره مرة فى يوم ما مال
وسط دنيا بجد صعبه
عمله نادره ف سوق رجال
بيسايرها حبه حبه
ويواكبها فى كل حال

الخواجه بدوى أفندى
يغلبك وسط الكلام
كل فكره ليها عنده
حسبه زابطه ب التمام
ف الادارة ضمير يسانده
عمره ماتزحزح ونام
قالوا عنه كتير زمايله
فى المعامله والسلام
يستحق ف شغله جايزه
ألف جايزه وميت وسام

كلمات الشاعر محمد ثروت عبد الحفيظ