رمضان بيجرى مش طايقنا
احنا قصرنا معاه
ولا شايف فى فقير
الغني عن عنوانه تاه
ولا شايف المريض 
بيتألم مش لاقى دواه
ولا شايف طفل يتيم
العيون كلها ظالماه
ولا شايف البزخ عند الكبار
بالشيفات والطهاه
ولا شايف المحاكم 
والظلم اللى ذاد مداه
ولا شايف كذب ونفاق البشر
ف كل أتجاه
ولا راجل باع ولاده
ولا قلبه يلين من قولة آه
ولا شايف صلة الأرحام
بتقول الرحمه ياولداه
كان زمان رمضان حاببنا
عاش معان وعشنا معاه
كانت نفحاته بزياده
والسما بتفرح وياه
ما كانش فيه متسولين
واخدينها مهنه سود الجباه
أصبر يارمضان شويه
فينا من يذكر الله
( أسامه جديانه)