قصيدة/ الشهر الكريم صحيت من نومى على صوت عالى وزغاريد ٠
قولت اية الخبر ياولاد قالولى دا بكرة العيد ٠
ولاقيت الكل فرحان ولاقيت الكل متهنى ٠
حتى الولاد فى الشارع بتهيص وبتغنى ٠
حزنت من جوايا على الشهر الكريم اهو راح٠
بييجى مرة فى السنه يملى القلوب أفراح ٠
بيملى البيوت بالخير بيرزقنا كما الطير ٠
بنرفع فيه أيادينا لرب الكون خالقنا وبارينا٠
ونطلب العفو والغفران والبعد عن الشيطان ٠
بادعوك يارب وانا واثق فسلطانك وفوجودك٠
وواثق كمان في غفرانك وقرأنك وفى وعودك٠
امرت ياربى ادعونى وانا ليكم مجيب ومعين ٠
سمعنا يارب واطاعنا اجعلنا ليك من المساكين٠
ازاى مانكنش عبادك ازاى مانكنش ليك طائعين ٠
وأنت أللى رازقنا وخالقنا يارب من الطين ٠
واهديتنا يارب نابينا ومعاه رحمة للعالمين ٠
ومهما رفعنا ايدينا وكنا ليك من الشاكرين ٠
عارفين يارب اننا هنكون ليك من المقصرين ٠
لكن يارب طمعان فى رحمتك عفوك وغفرانك ٠
والعتق يوم الدين يارب من نيرانك ٠

شعر/ كمال البنا 
٣/ ٦/ ٢٠١٩