بيـــــــــــــــــــت القصيــــــــــــــد للشعر والأدب 
يشعر بـالحزن.الإعجاب بالصفحة١٤ ساعة
وداعا رمضان
عدي وفات
****************
أهو عدي وفات
شهر ....... النفحات
مليان ........ حسنات
كان شهر عزيز
وصيامه ........ لذيذ
ساعة ... الافطار
اطفال .... وكبار
ف الغيط والدار
الكل ..... احتار
ساعة .... التجهيز
محتاج ..... تركيز
مع شهر الخير
القلب ..... يطير
يستني ..... الليل
عايز ...... بركات
أهو عدي وفات
شهر ... النفحات
مليان ... حسنات
تيجي ..... التروايح
والليل ...... مبسوط
بيحط ........ شروط
شايل ......... مفاتيح
مع نسمة ريح
رمضان ..... هايزيح
كل ........ الاحزان
من غير تجريح
الخير ....... ها يبان
جماعات ..... جماعات
بتقول ..... تسابيح
رمضان ... يا ولاد
مليان .... تفاريح
وشباب ...... الخير
بيداوا ........ جريح
وفقير .... يا ولاد
محتاج ..... تصريح
بيقول ...... اسرار
قبل ........ التواشيح
حكايات ..... حكايات
ولسانه ...... فصيح
أهو عدي وفات
شهر .... النفحات
مليان ..... حسنات
كان شهر كريم
بيضم ........ يتيم
وعجوز ..... محروم
حاسس ...... بهموم
مستني ........ هدوم
مستني ........ الخير
ويعدي .... الليل
ويعيش ..... ويصوم
ويصد ....... شيطان
من صوت قرآن
ودعاء ........... واذان
بيهز ........ ودان
مع صوت الفجر
اعلان ........ مرفوع
وسجود .... وخشوع
في ليالي القدر
مستني .... البدر
راح يجي أوام
شايل ..... أحلام
ومعاه ...... كرمات
أهو عدي وفات
شهر ....... النفحات
مليان ...... حسنات
رمضان ...... بالذات
جمّع ....... اخوات
من بعد فراق
حتي ........ الاشواق
شيله ...... الفوانيس
بتهني ........ الناس
وتزف ..... عريس
اشكال ..... والوان
من كل مكان
فرحان ....... بالناس
جواك ....... إحساس
مش قادر اقول
كل ..... الاحاسيس
أهو عدي وفات
شهر ..... النفحات
مليان ..... حسنات
******************
اخر قصيدة في برنامج
# المسحراتي #
بقلمي ... طه إبراهيم
