الخوجة

الأخ الخوجة فاضل 

متمرمط مش سعيد 

ولا حيلته بريزة حامل 

بتخلف كل عيد 

متعلق ع الشناكل 

ومقضي اليوم سميط 

يا اخوانا بلاش مهازل 

بزيادة كلام عبيط 

الأخ الخوجه فاصل 

ف الشحن وف الرصيد

والدق ف راسُه نازل 

ع السخن وع الحديد

الاخ الخوجة لازم 

يتحرر م القيود

يا بلدنا بلاش نجادل

والأخ دا مستفيض

ونزود في المشاكل 

ونعقد في البسيط 

الأخ الخوجة قادر

يتمنى اليوم جديد

ويدرس في المدارس

الحلم ازاي يقيد ..

والعلم دا شيئ أكيد 

بيحدد في المنازل 

مين أذكى ومين بليد 

ويقدم في البدايل 

يا بلدنا ازاي نعود 

نخلق م النور جدايل

ونجدد في العهود

ونعدل ف اللي مايل

#بهاء_اللبودى