(((( الجزره والنبوت )))) الى m
********************
خط القلم ع الورق
معدول
عملونى جانى فى يوم
وصفونى بالقاتل
وانا المقتول
إسألوا صمت الليالى عن أنينى
إسألوا قديس وراهب
إسألوا شيوخ المساجد
إسألوا تراب الشوارع
عن حنينى
****
أنا فجر طالع
ع المزارع
فى الشوارع
أنا رنه من جرس الكنايس
أنا الأدان فوق المداين
فى الجوامع
***
أنا شطين لبحر الحب والأمواج
أنا اللى فوق راس الملوك
وضعت التاج
أنا العاطى بدون ما احتاج
أنا اللى نسجت كل سنينى
فى شراعى
أنا المولود على دراعى
أنا العايش بأوجاعى
أنا اللى نسيت فى يوم همى
وشلت هموم لأتباعى
***
أنا الإنسان 
أنا اللى بغزل م الكلام
أحلاه
أنا للكلام
أمَـلُه وكل مُناه
أنا توبى م الكلمات
أنا المرجع لأى قلب
وسط الكلام تاه
أنا ترزى
بفصّـل شجرة ضياء الليل
وبلسم قلب مجروح فات
أنا الراحه
اللى بعد آهات
أنا المادنه
ودير وصليب
أنا الصلوات
***
أنا الطاعه
وانا العصيان
أنا مسيحى
وألف ماجوسى نصرانى
أنا كافر
وساكن قلبى ألف ايمان
***
أنا مسلم
أنا صرخة عذاب فى القبر
أنا أجنَّـه فى رحم الكون
أنا لحظة غيام وسكون
أنا أمطار وبرق ورعد
أنا الحكمه وصاحب الوعد
***
أنا الجمله وانا الكلمات
أنا رمضان ووقفة عيد
أنا عرفات
***
أنا حاير *** أنا داير
أنا تعبان *** أنا الإنسان
***
أنا الأفراح وانا الأحزان
أنا الذكرى على الجدران
وانا النسيان
أنا الزابور وانا الإنجيل
أنا القرآن
***
أنا اللى بعالج المرضى
وانا القِدّيس
أنا الأزهر وألف أدان
أنا إبليس
***
أنا الشاعر وانا المطرب
وانا الألحان
أنا الرسّـام وانا النحّات
أنا الفنان
أنا اللى بَـعَـمّـر الصحرا
وانا اللى بدمّـر الأكوان
أنا اللى بحقق الأحلام
وانا اللى بَـغَـيّـر الأحزان
أنا المخطوط فى قلب كتاب
وانا النسيان
***
أنا المكتوب
وانا الغالب وانا المغلوب
أنا اللى بَـخُـش أى قلوب
بِتِـهْـوانى
وغضبى شديد
على اللى فى يوم
يحاول لحظه ينسانى
***
أنا المتعه وباب القبر
أنا المجرم وانا السجّـان
أنا فيصل وانا آدم
أنا الإنسان
***
أنا اللى ناسج
م الليالى ونور القمر
موال
وكان أملى يكون وطنى
ولا اكونش فى زمن
رحَّال
أنا اللى أنينى 
فى جبينى
وفوق كتفى
همومى جبال
أنا اللى دموعى 
فى ضلوعى
وقلبى حكايته ما تتقال
***
أنا مادنه على مسجد
وألف صليب على كنيسه
أنا برواز وفيه صوره
وتحت الصوره عنوانى
أنا القديس وانا الراهب
انا أيوب *** وانا عيسى
أنا إدريس *** وانا يعقوب
أنا فرعون *** وانا موسى
أنا الإنجيل *** وانا القرآن
أنا اللى ملايكة الرحمــن
بتحمينى
أنا عارف أُمور دينى
***
أنا اللى الدنيا بتغربل 
سنين عمرى
وانا صابر
أنا المسجون
أنا المسكون
أنا مجنون
بحُب الخير لكُل الناس
وانا شايل فى قلبى آهات
وألف أنين
***
أنا فرحة رضيع بالثدى
أنا شـطَّـين ومية نيل وصفصافه
أنا صرخة غريق بيموت
أنا الجزره وانا النبوت
******
شاعر القريه
فيصل بدرأعجبني