===== الفقر باين ع الوجوه ===
للشاعر // على عبد الرازق صالح احمد
==========
الفقر باين ع الوجوه ولسانه قال الف عتاب
نظره عنيه بتقول ياناس عايش وحيد وبدون صحاب
اروح لمين ، واقول لمين ، وهتقولوا ايه يوم الحساب
انا ذنبي ايه فى دنيا فيها العدل غاب
انا ذنبي ايه فى دنيا فيها وحوش فى غاب
انا ذنبي ايه اعيش ذليل وفرشتي من التراب
ملقيش رغيف يسد جوعي واللحخمه أكلتها الكلاب
والا لاقي هدمه تلمني والا بيت خراب
لا عندي حاضر والا عندي ماضي وبكره شايفه انا ثراب
انا ابن آدم وانت ابن آدم زينا مخلوق تراب
انا مش بأيدي اكون مجرم وهارب م العقاب
=======
نظره عينيه تقول نفسي اكون انسان
نظره عينيه بتقول يا ناس مفيش آمان
نظره عينيه بتقول كلام من غير لسان
خايف أعيش معرفش أعيش
خايف أموت ملقيش مكان
خايف أموت ملقيش كفن أتلف فيه
والا .. الاقي من صنف البشر تدمع عنيه
انا جيت غلط فى الدنيا دي والا آيه
انا ابن آدم وطينتي من طينه البشر ومن تراب
الرب واحد والآرض لكل البشر حتى الذئاب
ليه اتخلق للدمار ليه اتخلقت للعذاب
ارحمونا يا خلق هووووووه الرحمه جازت ع الدواب
انا بشر ومفيش ضمير عند البشر
ليه العتاب ،،،،، ليه العتاب
======= ===============
بقلمي // على عبد الرازق صالح احمد