غاوى الغِنى ومهموم
وشاغلك جمع المال
مايهمكش يكون حرام 
ولا يكون حلال
إزاى تآمن للزمن
وتربى بيه العيال
هاينبت الحرام فى جسمهم
والجسد لا يقبل الحلال
دايما يعشق الحرام
ماأنت اللى رويته بالمال
يطلعوا عيالك خائنين
وأنت لهم مثال
مثلهم الأعلى حرامى
لن تلقى منهم سوى الضلال
م أنت اللى زرعت البذره
أجيال تعلم أجيال
أزاى تقابل ربنا
وأنت شايل الأحمال
عمر الحرام م ينفع
دا حملك حمل جبال
ظلمت نفسك بنفسك
خسرت المال والعيال
تقول ها توب وأحج
بعد زيادة المال
ربك عالم بضميرك
قبول التوبه محال
أتق الله ف نفسك
لا تعلم الآجال
ممكن قبل توبتك
تتوفاك المنيه ف الحال
طوبى لمن كان رزقه كفافا
ويتحرى الحلال
( أسامه جديانه)