مسحراتي العرب ________

انا مسحراتي العرب الحزين
علي شعب بلدي وأوطاني
طبلتي ح تنده علي مين ؟
وإتفرقوا الخييلان وجيراني
ونضارة الوشوش في الطين
وفي عيونها دموع احزاني
كل ليلة بيملاني امل الحنين
أعيش و اشوفهم من تاني
وأدووور عليهم ايام وسنين
وأقابلهم وأخدهم في أحضاني
ريحتهم في أنفاسي ياسمين
وأزهارهم لسه في بستاني
بتألمني صورة حياتهم لاجئيين 
من دم عروقي وعصب كياني
القهر في ملامحهم مساكين
وخاف يقوللي عليهم زماني
وملايين كتير ملهمش عناوين
إتبحتروا وتاهوا من عنواني
الخراب هدم كل الميادين
والغراب عشش علي باب دكاني
رمضان بيطبطب علي الطيبين
وطبلتي بتنادي وتقول اه ياني 
ملامحه بتبكي أهات وأنييييين
وممكن المره اللي جايه ما يلقاني

___________________________
......... حسن الشوان ..............